” هنا أكتب عن بعض مشاهداتي للأحداث، وما أمر به من مواقف، وأنتقد بعض التصرفات من وجهة نظري الشخصية. إذا كنت تبحث عن شيء غير تقليدي فأنصحك بالرجوع للخلف وعدم قراءة هرطقاتي “
أثناء ما كنت أرتب شعري قبل مدة ، وأطالع المراية .. اكتشفت وجود شعرة بيضاء لعينة في شعري .. بالرغم من أني لازلت في منتصف العشرينات من العمر ( يعني توني شباب 
) لكن مادري من وين طلعت لي هالشعرة ، معقولة شيبت يا آهات؟
يقولون اذا طلعت لك شعرة بيضاء بشعرك ونتفتها يصير شعرك كله ابيض .. مدري امي شكلها تلعب علي .. بس ع العموم قررت ما انتف هالشعرة واخليها .. هما الشيب وقار 
المشكلة اني شخص بارد شوي بالعادة .. يعني ما أعصب كثير إلا من أشياء معينة ممكن تنرفزني وأعصب ، وإذا عصبت ما أهوش كثير ،، بس تقفل اخلاقي ومابي احد يكلمني ساعتها، واللي يكلمني يا إني ابسحب عليه يا إني بقول له تراك اقلقتنا :) يعني العصبية ماهي سبب مهم في ظهور الشيب بشعري ..
وبمناسبة الحديث عن العصبية ، سبحان الله السعوديين (وأهل الرياض تحديداً) دايم عصبيين وروسهم في خشمهم ، وتبيّن أثار العصبية حتى في سواقتهم .. أكيد البيئة الحارة والجافة لها دور وعشان كذا دايم نحصل أهل الشرقية وجدة رايقين وراعين فرفشة لأن جوهم رطب ومنعنش عند البحر، وبرضو عيشة البداوة والتنقل أعطتهم طباع قاسية توارثوها عبر الأجيال، ولا ننسى بيئة الرياض والزحمة والقلق والتوتر النفسي اللي تسببه، بس برضو لازم نشوف لنا حل، ليه السعوديين (ولايهونون السعوديات) عصبيين وجلوف؟
للي يذكرون برنامج الكاميرا الخفية اللي كان يقدمه على القناة الأولى خالد الرفاعي وماهر الطويل، وكيف كانوا يتسطرون وينضربون بسبب مقالبهم، يقدر يقارنه بردة فعل الأوروبيين في برنامج Just for Laugh .. اقول .. تهاجرون معي؟
Popularity: 21% [?]
آهاااااااااااات يا بووو شيببااااااااه … كاااااااااك
يالشايب ههههههههههههههه p :
—
وصدقت مــرره بقولتك انو اهل الرياض عصبين وحارين واهل الشرقيه وجدة رايقين
بس انا الحمدلله باردة مره ..ابرد شي بالعالم .. / حتى صديقاتي ينقهرون احيانا من برودي خخ
وارحم العصبين وتسذا .. يعني بعضهم الحمدلله والشكر يعصب من اي شي تافه ..
–
بلوق حلو يابو شيبه ( f ) / ’